Gé Reinders - Processie - Clickletras.com.br


Letra Processie

Ich waar enne herder
In de processie
Mit 'n sjop, enne hood, 'n poefboks en enne malliot

En eine keer leep miene pap
Mit in de processie
En mit nog drie angere droog d'r
Zonne baldakijne hemel
Baove pesjtoor
En de fomfaar sjpeelde:

Mien zoster maakte tapijte
Veur de processie
Van zandj en van blome, die ze plochte in 't veldj

En bie os taegeneuver, bie Niessen
Sjtong mit de processie
Ennen altaar en dan
Baejde ze en dan sjpeelde de fomfaar

En toch: ich wo det ich wie toen nog geluive kos
Toen geluifde ich 't ganse missaal
Maar wie ze oet ginge legke
Waat ich geluive mos
Toen geluifde ich 't waal

Maar dao in det dorp
Is noe nooits meer processie
Det veldj wo mien zuster blome ploch
Is noe 't Willem-Alexander-industrieterrein

Ich zing noe waal
Euver die processie
Maar dae tied van zjwarte priesters mit witte roos op de sjouwers
Waar neet allein maar fijn

En toch: ich wo det ich wie toen nog geluive kos
Toen geluifde ich 't ganse missaal
Maar wie ze oet ginge legke waat ich geluive mos
Toen geluifde ich 't waal